Օրինախախտ գործողությունների համար «Վարդաշեն» քրեակատարողական հիմնարկի երեք ծառայող պատժվել է

ՀՀ  ԱՆ քրեակատարողական ծառայության կենտրոնական մարմնի ներքին անվտանգության բաժնում իրականացված ծառայողական քննությամբ բավարար տվյալներ են ձեռք բերվել ՀՀ ԱՆ «Վարդաշեն» քրեակատարողական հիմնարկի անվտանգության ապահովման բաժնի 3 ծառայողների կողմից իրենց ծառայողական պարտականությունները ոչ պատշաճ կատարելու վերաբերյալ: 

ՀՀ ԱՆ քրեակատարողական ծառայության պետ, արդարադատության գնդապետ Ամբակում Գրիգորյանի որոշմամբ նշանակված ծառայողական քննության արդյունքներով պարզվել է, որ ՀՀ ԱՆ «Վարդաշեն» քրեակատարողական հիմնարկի անվտանգության ապահովման բաժնի առաջատար մասնագետ Մ․Դ․-ն, վերազանցելով իր ծառայողական լիազորությունները, «իրեն արտոնյալ զգացող» կալանավորված անձին զբոսանքից խուց տեղափոխելուց հետո տևական ժամանակ բաց է թողել վերջինիս խցի դուռը՝ մյուս խցերում պահվող ազատազրկված անձանց նկատմամբ ընդգծելով և ամրապնդելով տվյալ կալանավորված անձի «առավելությունը» և իր գործողություններով արատավորելով քրեակատարողական ծառայողի պատիվն ու հեղինակությունը։ Բացի այդ՝ Մ․Դ․-ն՝ որպես պահակետի ավագ, չի իրականացրել հսկողություն իր ծառայակիցների կողմից իրենց պարտականությունները կատարելու նկատմամբ։ 

Նույն բաժնի կրտսեր խմբի ծառայողներ Ս․Ս․-ն և Գ․Բ․-ն ևս ոչ պատշաճ են կատարել իրենց ծառայողական պարտականությունները, մասնավորապես տևական ժամանակ չեն իրականացրել հսկողություն խցերում տիրող իրավիճակի նկատմամբ, չեն ստուգել խցերի դռների փականները և չեն ձեռնարկել որևէ միջոց դեպի զբոսահրապարակներ տանող դուռը փակ պահելու ուղղությամբ։

Հաշվի առնելով վերոգրյալը՝ Քրեակատարողական ծառայության պետ Ամբակում Գրիգորյանի որոշմամբ Մ․Դ․-ի նկատմամբ կիրառվել է «Ծառայության դադարեցում», իսկ Ս․Ս․-ի և Գ․Բ․-ի նկատմամբ՝ «Խիստ նկատողություն» կարգապահական տույժերը:

Քրեակատարողական ծառայությունը հետամուտ է լինելու ծառայողների կողմից օրինախախտ գործողությունների կանխմանն ու վերացմանը։ 

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Տեղի է ունեցել Սուրեն Պապիկյանի և Սեբաստիան Լըկորնյուի առանձնազրույցը

Հաջորդը

Բասկետբոլի Հայաստանի ազգային հավաքականը 2027թ. ԱԱ նախընտրական առաջին փուլում հաղթեց Ալբանիային

Առնչվող նյութեր
Դիտել

Սևանա լճի տարբեր հատվածներից դուրս է բերվել 38 ձկնորսական ցանց

Սիգի ձվադրման ժամանակահատվածով պայմանավորված հսկողության միջոցառումների շրջանակում «Սևան» ազգային պարկի տարածքում շարունակում են ապօրինի որսագործիքների լճից դուրս բերման…
Դիտել

ՀՀ ԱԳ նախարարի տեղակալը հանդիպել է Հայաստան-Իրաք բարեկամության խմբի պատվիրակության հետ

Մարտի 16-ին ՀՀ ԱԳ նախարարի տեղակալ Վահան Կոստանյանն ընդունել է Հայաստանում գտնվող Իրաքի Հանրապետության ներկայացուցիչների պալատի Իրաք-Հայաստան պատգամավորական…
Դիտել

Բերման է ենթարկվել 11 անձ. հարուցվել է քրեական գործ

Հունիսի 3-ին Երևանի Դեմիրճյան-Պարոնյան փողոցների խաչմերուկում անհնազանդության ակցիայի կազմակերպիչների հնչեցրած կոչերի արդյունքում ակցիայի մասնակիցները դրսևորել են ոչ իրավաչափ…
Դիտել

Արթուր Ալեքսանյանը՝ ըմբշամարտի Եվրոպայի վեցակի չեմպիոն (տեսանյութ)

Հունահռոմեական ոճի ըմբիշ, Օլիմպիական չեմպիոն Արթուր Ալեքսանյանը կարիերայում 6-րդ անգամ հռչակվել է Եվրոպայի չեմպիոն՝ Զագրեբում ընթացող առաջնության 97…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share