ՀՀ ՄԻՊ Անահիտ Մանասյանն անդրադարձել է Լաչինի միջանցքի մոտ ադրբեջանական հսկիչ-անցագրային կետի ստեղծմանը։
«Սա պետք է մտահոգի նաև միջազգային հանրությանը»,- ասել է նա՝ լրագրողների հետ ճեպազրույցում։
Ըստ ՄԻՊ-ի՝ արցախահայությունն էթնիկ զտման վտանգի առջև է կանգնած. «Ես փորձում եմ ամեն կերպ բարձրաձայնել այդ խնդիրները` բոլոր դերակատարների հետ քննարկումների շրջանակներում։ Սակայն այս հարցում բոլորս մեր ջանքերը պետք է մեկտեղենք»,–շեշտել է նա՝ հավելով,- «Պետական մարմինների համար փաստաթղթեր են նախապատրաստվում, որ համատեղ ուժերով կարողանանք խնդրին լուծում տալ։ Փորձել եմ նաև խնդրի լուծման առաջարկներ գտնել և առաջիկայում դրանք կներկայացնեմ պետական մարմիններին։ Բացի այդ, միջազգային հանրությունը պետք է հստակ գնահատականներ տա»։