Պետությունից թաքցված՝ ճշտված 500.000.000 դրամի հարկային պարտավորությունից վերականգնվել է 250․000․000-ը

ՀՀ ՔԿ տնտեսական հանցագործությունների և մաքսանենգությունների քննության գլխավոր վարչության չորրորդ վարչությունում ՀՀ քրեական օրենսգրքի 290-րդ հոդվածի 3-րդ մասի 1-ին և 2-րդ կետերով նախաձեռնված քրեական վարույթի նախաքննությամբ փաստացի վերականգնվել է պետությունից թաքցված 250 մլն դրամի հարկային պարտավորություն։  

Մասնավորապես, քննությամբ պարզվել է, որ ֆիզիկական անձ Ա․ Հ․-ն, հանդիսանալով գույքերի իրական սեփականատեր, այլ անձի՝ Ն․ Ա․-ի անվամբ իրականացրել է կառուցապատման և բնակարանների օտարման գործունեություն` Երևան քաղաքի Ազատության պողոտա 1/10, 1/31, 1/32, 1/34, 1/38, 1/40, 1/41, 1/42 հասցեներում գտնվող «Պրեմիում Հաուս» բազմաբնակարան շենքերի թաղամասում։ Սակայն, նախնական համաձայնությամբ, հաշվարկներում խեղաթյուրված տվյալներ մտցնելու և հարկման օբյեկտները թաքցնելու միջոցով առանձնապես խոշոր չափերով հարկեր չվճարելու նպատակով բնակարանների օտարման գործարքների փոխարեն նա կնքել է բաժնային սեփականության օտարման գործարքների պայմանագրեր, որի հետևանքով պակաս է հաշվարկել և չի վճարել շուրջ 500.000.000 ՀՀ դրամի հարկ:

Հանցանք կատարած լինելու անմիջականորեն ծագած հիմնավոր կասկածի հիմքով վարույթն իրականացնող մարմնի կողմից կայացված որոշումներով Ա․ Հ․-ն և Ն․ Ա․-ն ձերբակալվել են:

Նախաքննության ընթացքում ձեռնարկված մեծածավալ վարութային և քննչական գործողությունների արդյունքում ձեռք բերված անհերքելի ապացույցների ճնշման ներքո վերջիններիս կողմից ներկայացվել են շուրջ 500.000.000 ՀՀ դրամի լրացուցիչ հարկային պարտավորությունների վերաբերյալ եկամտային հարկի տարեկան հաշվարկ և պետական բյուջե է վերականգնվել շուրջ 250.000.000 ՀՀ դրամ գումար: 

Նախաքննությունը շարունակվում է:

Total
0
Shares
Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Նախորդը

Սյունիքի նախկին մարզպետի որդին կալանավորվել է, նրա մեղադրանքը փոփոխվել է

Հաջորդը

Անահիտ Մանասյանն ընդունել է ՀՀ-ում Շվեյցարիայի դեսպանին

Առնչվող նյութեր
Դիտել

Սեւանում այսօրվանից գործելու են հանրային լողափերը

Քաղաքացիների ջրափնյա հանգիստը կազմակերպելու նպատակով հուլիսի 10-ից կսկսեն գործել «Սևան» ազգային պարկի երեք հանրային լողափերը, որտեղ մուտքը ազատ…
Դիտել

Կարմիր խաչը Արցախից օտարերկրյա 4 քաղաքացի է դուրս բերել

Կարմիր Խաչը Արցախից տարհանել է օտարերկրյա 4 քաղաքացու: Այս մասին Sputnik-ին հայտնեց ԿԽՄԿ հայաստանյան պատվիրակության հաղորդակցության ծրագրերի ղեկավար Զառա…
Դիտել

Հայաստանը երբեք օգտագործված զենք ձեռք չի բերելու. Անդրանիկ Քոչարյան

ԱԺ ՔՊ խմբակցության պատգամավոր Անդրանիկ Քոչարյանն ուշադրություն է հրավիրել պաշտպանական ոլորտին հատկացվող գումարներին։ Ըստ նրա՝ հիմնական գաղափարը, որ…

Հետևեք մեզ Instagram-ում

Հավանեք մեր Facebook էջը

Բաժանորդագրվեք մեր Youtube ալիքին

Total
0
Share