ԱԱ 2022-ի ընտրական մրցաշարի շրջանակում Սեպտեմբերի 2-ին ֆուտբոլի Հայաստանի հավաքականը կհյուրընկալվի Հյուսիսային Մակեդոնիայի հավաքականին։ Մեր ընտրանին առաջին մարզումն է անցկացրել Սկոպյեում։
Հենրիխ Մխիթարյանը, ինչպես նաև Սարգիս Ադամյանը, Վահան Բիչախչյանը, Անդրե Չալըշըրը, Հովհաննես Համբարձումյանը և Արշակ Կորյանը նույնպես միացել են Հայաստանի ազգային հավաքականին: Հյուսիսային Մակեդոնիա ժամանած բոլոր ֆուտբոլիստները մասնակցել են մարզմանը:
ԱԱ 2022-ի ընտրական մրցաշարի շրջանակում Հայաստանի հավաքականը սեպտեմբերի 5-ին կհյուրընկալվի Գերմանիայի ընտրանուն, իսկ սեպտեմբերի 8-ին կընդունի Լիխտենշտեյնի հավաքականին:
Հիշեցնենք, որ ԱԱ 2022-ի ընտրական մրցաշարում Հայաստանի ազգային ընտրանն ընդգրկված է J խմբում Գերմանիայի, Հյուսիսային Մակեդոնիայի, Ռումինիայի, Իսլանդիայի ու Լիխտենշտեյնի հավաքականների հետ:
Անցկացրած 3 խաղից հետո Խոակին Կապառոսի սաները 100-տոկոսանոց արդյունք են ցույց տվել եւ 9 միավորով միանձնյա գլխավորում են խմբի մրցաշարային աղյուսակը: Հյուսիսային Մակեդոնիայի ու Գերմանիայի հավաքականները 6-ական միավորով համապատասխանաբար 2-3-րդ հորիզոնականում են:
