ԱՄՆ-ը ողջունում է Հայաստանի և Ադրբեջանի սահմանին ԵՄ առաքելության ստեղծումը և հույս ունի, որ դա կնպաստի կողմերի միջև բանակցություններին։ Այդ մասին ուրբաթ օրը կայացած ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավարի տեղակալ Վեդանտ Պատելը։
«Մենք ոգևորված ենք Հայաստանի վարչապետի և Ադրբեջանի նախագահի հանդիպումից և ողջունում ենք Ֆրանսիայի նախագահի և Եվրոպական խորհրդի ղեկավարի գործողությունները՝ խթանելու համապարփակ խաղաղ գործընթացին», – ասաց նա։
«Մասնավորապես, մենք ողջունում ենք առաջընթացը տարածաշրջանում ԵՄ դիտորդական առաքելության հարցում: Այս առաքելությունը նպատակ ունի կողմերի միջև վստահության ձևավորումը և կշարունակի նպաստել Հայաստանի և Ադրբեջանի միջև բանակցություններին», – ասել է Պատելը:
Եվրախորհրդի հայտարարության համաձայն՝ ԵՄ քաղաքացիական առաքելությունը Հայաստանի և Ադրբեջանի սահմանին կսկսի գործել հոկտեմբերին և կտևի երկու ամիս։