Արցախի ՏԿԵ նախարարությունը տեղեկացնում է, որ ԱՀ տարածքում հայտարարված ռազմական դրության պայմաններում ֆիզիկական և (կամ) իրավաբանական անձանց գույքն օգտագործման վերցնելու անհրաժեշտությունը որոշելու նպատակով ստեծվել է հանձնաժողով, որը ֆիզիկական և (կամ) իրավաբանական անձանց գույքը վերցնելու անհրաժեշտություն առաջանալու դեպքում կազմակերպում է քննարկումներ:
Ըստ այդ քննարկումների արդյունքների՝ որոշվում է ֆիզիկական և (կամ) իրավաբանական անձանց գույքն օգտագործման վերցնելու անհրաժեշտությունը:
Գույքը կամովին հանձնելուց հրաժարվելու դեպքում գույքը կարող է օգտագործման վերցվել հարկադիր կարգով՝ լիազորված մարմնի պատճառաբանված որոշման հիման վրա:
Մանրամասն տեղեկություններին կարող եք ծանոթանալ ստեղծված հանձնաժողովի նախագահից՝ զանգահարելով հետևյալ հեռախոսահամարին՝ 0479 7-91-05: