ԵԱՀԿ Մինսկի խմբի համանախագահները Բաքվի և Երևանի հետ պայմանավորվել են վերսկսել աշխատանքային այցերը տարածաշրջան՝ Լեռնային Ղարաբաղ։ Այս մասին հայտնել է Ռուսաստանի արտաքին գործերի նախարար Սերգեյ Լավրովը։
«Ռուսաստանի, ԱՄՆ-ի եւ Ֆրանսիայի համանախագահները օրերս Նյու Յորքում հանդիպել են Ադրբեջանի և Հայաստանի արտգործնախարարների հետ։ Որքան ես հասկանում եմ, նրանք համաձայնել են վերսկսել իրենց այցերը տարածաշրջան՝ տեղում Հայաստանի եւ Ադրբեջանի ներկայացուցիչների հետ զրուցելու համար։ Նաև Ստեփանակերտում են հանդիպումներ նախատեսված»,- ասել է Լավրովը: