Արցախում շարունակվում է գյուղատնտեսական աշխատանքների իրականացումը դաշտերում և խաղողի այգիներում, որոնք պայթյունավտանգ առարկաներից մաքրել են ռուս սակրավորները:
Խաղաղապահներն ապահովում են գյուղատնտեսական նշանակության հողերի ականազերծման աշխատանքների իրականացումը՝ սահմանազատման գծի անմիջական հարևանությամբ տեղական ինքնակառավարման մարմինների պահանջով, կամ այն տարածքներում, որտեղ ակտիվ ռազմական գործողություններ են իրականացվել:
«Այստեղ մարդիկ վախենում են աշխատել. այստեղ ռումբ է ընկել, արկեր, մարտեր են մղվել: Որպեսզի մենք կարողանանք խաղաղ աշխատել, մենք պետք է տարածքը մաքրենք», – ասել է ԱՀ ԱԻՊԾ տեղեկատվության և հասարակայնության հետ կապերի բաժնի պետ Հունան Թադևոսյանը:
2020 թ. նոյեմբերի 23-ից ի վեր, ՌԴ խաղաղապահ զորախմբի մարդասիրական ականազերծման ստորաբաժանման զինծառայողները մաքրել են մոտ 2000 հա տարածք, 618 կիլոմետր ճանապարհ, հայտնաբերել և վնասազերծել ավելի քան 25 500 պայթյունավտանգ առարկա:
