«Խելք» տեխնոլոգիական դպրոցը շարունակում է ընդունել հայտեր նոր՝ հինգերորդ դասընթացի համար, որը նորից փորձելու է հասնել բոլոր այն խմբերին, ովքեր այլ հավասար պայմաններում չեն կարող անվճար ու որակյալ ՏՏ կրթություն ստանալ: Խելք դպրոցի առաջիկա անվճար դասընթացը այս անգամ նվիրված է կիբեռ անվտանգությանը (Cyber Security), տևողությունը 6 ամիս է, ուսուցումը՝ հիմնականում առցանց: Փորձելով լինել առավել հասանելի, դպրոցը որպես հիմնական թիրախային խմբեր դիտարկում է կանանց, 44-օրյա պատերազմի մասնակիցներին, ինչպես նաեւ մարզերի եւ Արցախի բնակիչներին, տեղահանված անձանց:
Անցած 2 տարիների ընթացքում «Խելք» դպրոցի ուսանողներն ամբողջօրյա առցանց դասերի ընթացքում սովորել են վեբ ծրագրավորում՝ բացառապես նախագծային ուսուցման մեթոդաբանությամբ, որը հնարավորություն է տալիս գործնականում զուգահեռաբար կիրառել ստացված գիտելիքներն ու զարգացնել ծրագրավորման համար անհրաժեշտ հմտությունները:
Խելք անվճար տեխնոլոգիական դպրոցն աշխատում է ֆրանսիական SIMPLON կրթական ընկերության հավատարմագրված ծրագրով, որն աշխարհում ունի 100-ից ավելի դպրոցներ եւ իրակացնում է բացառապես նախագծային ուսուցում։ Դպրոցի չորս սերունդներն
անվճար սովորել և սովորում են կայքերի ծրագրավորում (web development)՝ 6 ամիս տևողությամբ և առցանց ձևաչափով։ Չորս հոսքերի ընդունելության ժամանակ ստացվել է շուրջ 1300 հայտադիմում, որից ընտրվել եւ ծրագրին մասնակցել են շուրջ 110-ը։
«Խելք» դպրոցը նաեւ համագործակցում է ՏՏ ոլորտի ընկերությունների հետ, որոնք համաձայնում են դասընթացի ավարտից անմիջապես հետո սովորողներին առնվազն մեկ ամսով ներգրավել որպես փորձնակ՝ ինթերն։
Նոր` կիբեռ անվտանգության դասընթացի համար հայտերն ընդունվում են մինչեւ մայիսի 16-ը, հետեւյալ հղումով՝ https://bit.ly/3mszTpP
Հարցերի դեպքում կարող եք գրել mariam@relq.am հասցեով։ *Հայաստանում նոր ՏՏ դպրոց հիմնելու գաղափարն առաջացել է 2020 թվականի պատերազմի օրերին ֆրանսահայ Սիրիլ Հարպուտլյանի մոտ: Հայաստան ու Արցախ ամեն տեսակ օգնություն ուղարկելիս մի օր Սիրիլի 10-ամյա որդին հորը հարցրել է, թե էլ ինչ “չսպառվող” բան կարելի է անել օգնելու համար: Դա էլ առիթ է դարձել կրթական հիմնադրամ եւ ՏՏ դպրոց հիմնելու համար: Սիրիլին միացել են նաեւ այլ ֆրանսահայեր եւ ամերիկահայեր, ովքեր օգնում են կազմակերպել դպրոցի համար ֆոնդերի հայթայթմանն ու կայուն աշխատանքի կազմակերպմանը:
