Ղազախստան ուղարկված խաղապահ ուժերում ներառված են՝ Ռուսաստանի, Բելառուսի, Հայաստանի, Տաջիկստանի և Ղրղզստանի զինված ուժերի ստորաբաժանումները։ Այս մասին տեղեկացնում է ՀԱՊԿ մամուլի ծառայությունը։։
«ՀԱՊԿ Հավաքական անվտանգության խորհրդի 2022 թվականի հունվարի 6-ին ընդունված որոշման համաձայն՝ Հավաքական անվտանգության պայմանագրի կազմակերպության հավաքական խաղաղապահ ուժերը սահմանափակ ժամանակով ուղարկվել են Ղազախստանի Հանրապետություն՝ իրավիճակը կայունացնելու և կարգավորելու համար», – հայտնում է ՀԱՊԿ քարտուղարությունը։
Հաղորդագրությունում նշված է նաեւ, որ ՀԱՊԿ Հավաքական խաղաղապահ ուժերի հիմնական խնդիրներն են լինելու պետական և ռազմական կարևոր օբյեկտների պաշտպանությունը, օգնությունը Ղազախստանի իրավապահ ուժերին՝ իրավիճակի կայունացման գործում։