Կազանի թիվ 175 դպրոցում հրաձգության հետևանքով զոհվել է 9 մարդ: Այս մասին հայտնում է РИА Новости-ն՝ վկայակոչելով արտակարգ իրավիճակների ծառայություններին:
Նշվում է, որ ևս չորս մարդ տարբեր վիրավորումներով ուղարկվել է բժշկական հաստատություններ:
Հայտնի է, որ իրավապահները բերման են ենթարկել մի 17-ամյա երիտասարդի, որը կրակ է բացել ուսումնական հաստատությունում:
Դրանից առաջ հաղորդվում էր, որ դեռահասը զենքն իր հետ էր բերել դպրոց:
Ավելի ուշ հայտնի է դարձել, որ երկրորդ հրաձիգը, հնարավոր է, արգելափակվել է դպրոցում: Աշխատանքներ են տարվում նրան ձերբակալելու ուղղությամբ: