Հանրապետության նախագահի պաշտոնական կայքը տեղեկացնում է, որ ՀՀ նախագահ Արմեն Սարգսյանը հունիսի 20-ին խորհրդարանի արտահերթ ընտրություն նշանակելու մասին հրամանագիր է ստորագրել։
«Հիմք ընդունելով Սահմանադրության 92-րդ և 93-րդ հոդվածների պահանջները և հաշվի առնելով Սահմանադրության 149-րդ հոդվածի 3-րդ մասի համաձայն Ազգային ժողովի՝ իրավունքի ուժով արձակումը.
1. Ազգային ժողովի արտահերթ ընտրությունը նշանակել 2021 թվականի հունիսի 20-ին:
2. Սույն հրամանագիրն ուժի մեջ է մտնում պաշտոնական հրապարակմանը հաջորդող օրվանից»,- նշված է ՀՀ նախագահի ստորագրած հրամանագրում
