Ներքին գործերի նախարարության հարցում մոտ ենք վերջնական որոշումների կայացմանը, պիտի անցնենք դրանց իրականացմանը։ Այս մասին կառավարության այսօրվա նիստի ժամանակ հայտարարել է ՀՀ վարչապետ Նիկոլ Փաշինյանը։
«Ներքին գործերի նախարարության հարցում մոտ ենք վերջնական որոշումների կայացմանը և արդեն լիարժեք ձևակերպված ծրագիր ունենք, և թերևս պիտի անցնենք դրա իրականացմանը։ Բուն ոստիկանության բարեփոխումների գործընթացն ենք մեկնարկել։ Մեր առաջիկա նպատակների մեջ Ոստիկանության, ԱԱԾ-ի, Փրկարար ծառայության,Պետական պահպանության ծառայության նոր ստանդարտների հաստատումն է, նկատի ունենք նաև աշխատավարձը։ Այս բոլոր հատուկ ծառայություններում, որոնց գործունեությունը կապված է անվտանգության հետ, պետք է առաջիկա տարիներին կարողանանաք արձանագրել աշխատավարձի կրկնապատկում, բայց դա ինքնաբերաբար տեղի չի ունենալու, այլ ատեստավորման գործընթացի միջոցով»,- ասաց վարչապետը։ Նրա խոսքով, առաջիկա երեք տարիներին նշված մարմինների աշխատակիցները կանցնեն կամավոր ատեստավորում, կարձանագրվի աշխատարձի կրկնապատկում։