Նիկոլ Փաշինյանն այսօր անդրադարձել է տարածաշրջանային կոմունիկացիաների ապաշրջափակման հարցին, նշելով, որ հույս ունի որ բոլոր ուղղություններով կկարողանան աշխատել։
«Պիտի գոհունակությամբ արձանագրեմ, որ տարածաշրջանային կոմունիկացիաների բացման օրակարգով աշխատող եռակողմ աշխատանքային խումբն արդեն իսկ վերականգնել է իր գործունեությունը՝ համաձայն հունվարի 11-ին Մոսկվայում ընդունված հայտարարության։
Եվ մենք շարունակելու ենք մեր աշխատանքներն այդ ուղղությամբ։ Կրկին ուզում եմ ընդգծել նախկինում մեր արտահայտած դիրքորոշումը՝ Հայաստանի և Ադրբեջանի միջև սահմանների սահմանագծման և սահմանազատման աշխատանքների շուրջ։ Այստեղ էլ մենք մեր պատրաստակամությունը մի քանի անգամ արտահայտել ենք և հույս ունենք, որ այս բոլոր ուղղություններով կկարողանանք առաջ շարժվել։ Համենայնդեպս ՀՀ-ն բոլոր ջանքերը գործադրում է և կշարունակի գործադրել, որպեսզի նախատեսված լուծումները, այն, ինչ նախկինում արտահայտել ենք, այդ ուղղութուններով արդյունավետ կարողանանք առաջ շարժվել»,- ասել է Նիկոլ Փաշինյանը։
