Այսօր՝ մայիսի 6-ին, ԱԻՆ Լուսակերտի ուսումնական կենտրոնում ԱՄՆ Պաշտպանության դեպարտամենտի Վտանգների նվազեցման գործակալությունը քիմիական, կենսաբանական, ճառագայթային և միջուկային վտանգներին արձագանքման սարքավորումներ է նվիրաբերել ՀՀ ԱԻ նախարարությանը։ Այս մասին տեղեկացրել է նախարար Արմեն Փամբուխչյանը։
Արարողությանը ներկա էին Կանզասի ազգային գվարդիայի հրամանատար, ադյուտանտ-գեներալ, գեներալ-մայոր Դեվիդ Վեյշարը, ՀՀ-ում ԱՄՆ դեսպանատան ռազմական կցորդ գնդապետ Գրեգորի Փայփսը, Կանզասի ազգային գվարդիայի ներկայացուցիչներ, ԱՄՆ դեսպանատան ներկայացուցիչներ և ԱԻ նախարարության պաշտոնյաններ։
