Ուկրաինայի պատվիրակությունը երկու ուղղաթիռով ժամանել է Բելովեժսկայա Պուշչա՝ Ռուսաստանի հետ բանակցությունների երրորդ փուլի համար։ Այս մասին հայտնում է ՏԱՍՍ-ի թղթակիցը։
Ավելի վաղ բանակցությունների վայր էր ժամանել ռուսական պատվիրակությունը։
Ուկրաինայի նախագահի գրասենյակի ղեկավարի խորհրդական Միխայիլ Պոդոլյակի խոսքով՝ ռուս-ուկրաինական բանակցությունների երրորդ փուլը կանցկացվի Մոսկվայի ժամանակով 17:00-ին։
Ռուսաստանի Դաշնության և Ուկրաինայի պատվիրակությունները Բելառուսում արդեն բանակցությունների երկու փուլ են անցկացրել։ Ռուսական պատվիրակությունը գլխավորում էր նախագահի օգնական Վլադիմիր Մեդինսկին։ Նա հայտարարել է, որ ռուսական պատվիրակությունը պատրաստ է ուկրաինական կողմի հետ բանակցել այնքան ժամանակ, որքան կպահանջվի պայմանավորվածությունների հասնելու համար։
