Ուկրաինական պատվիրակության անդամ Դավիթ Արախամիան նշել է Ուկրաինայի պայմանները անվտանգության երաշխիքների համար, ինչպես նաև այն երկրները, որոնք կարող են հանդես գալ որպես երաշխավոր։
Ուկրաինան Ռուսաստանին է ներկայացրել Ուկրաինայի անվտանգության երաշխիքների մասին պայմանագրի իր առաջարկները, որը հնարավորություն է տալիս դադարեցնել պատերազմը։ Դա պետք է լինի միջազգային պայմանագիր, որը կստորագրեն անվտանգության բոլոր երաշխավորները, կարծում է ուկրաինական պատվիրակությունը։
Ուկրաինական պատվիրակության կարծիքով՝ երաշխավոր կարող են դառնալ Մեծ Բրիտանիան, Չինաստանը, ԱՄՆ-ը, Թուրքիան, Ֆրանսիան, Կանադան, Իտալիան, Լեհաստանը և Իսրայելը։ Որոշ երկրներ արդեն նախնական համաձայնություն են տվել։
Պայմանագիրը, ինչպես առաջարկում է Ուկրաինան, պետք է նաև սահմանի երաշխավոր երկրների փոխգործակցության արդյունավետ մեխանիզմ։ Իրականում սա կարող է նման լինել ՆԱՏՕ-ի կանոնադրության 5-րդ հոդվածին («դաշինքի մեկ անդամի վրա հարձակումը հավասարազոր է ամբողջ դաշինքի վրա հարձակման»): Եթե Ուկրաինայի դեմ պատերազմ, ագրեսիա կամ հատուկ գործողություն սկսվի, ապա երաշխավոր երկրները երեք օր խորհրդակցություններ են անցկացնում եւ պարտավոր են օգնություն ցուցաբերել Ուկրաինային։