Չեչնիայի ղեկավար Ռամզան Կադիրովը «հատուկ ռազմական գործողության» անցկացման օպերատիվ շտաբի հետ հանդիպման ժամանակ ասել է, որ հանրապետությունում մոբիլիզացիա չի իրականացվի։ Նա դա բացատրել է նրանով, որ Ուկրաինայի պատերազմի ժամանակ հանրապետությունը «գերակատարել է պլանը»։ Այս մասին տեղեկացնում է «Кавказ.Реалии» կայքը:
«Պատերազմի ընթացքում ռազմական գործողություններին մասնակցել է 20 հազար մարդ։ Չեչնիան 254%-ով գերազանցել է «գործարկված պլանը»,- նշել է Կադիրովը:
Թե ինչ պլանի մասին է խոսքը, ում կողմից և ինչպես է այն հաստատվել, նա չի հստակեցրել:
