Սյունիքի նախկին մարզպետ, նախկին զինվորական Մելքսեթ Պողոսյանն այսօր լրագրողների հետ ճեպազրույցում նշել է, թե ինքը ոչ մի կուսակցության անդամ չի եղել, այլ իր առաքելությունը հայրենիքի պաշտպանությունն է. «Ես իմ պետության, իմ ժողովրդի, իմ սահմանի կողքին եմ: Խի՞ եք պառակտում ժողովրդին: Ես ոչ մեկի կողմից չեմ: Ես գնացել եմ մարզպետի պաշտոնի, հրամանատարները հավաքվել ասել են՝ եթե դու ես գնում, ամեն մեկս 200 հոգի վերցնում ենք գանք Սյունիքը փրկենք: Նռնաձորից մինչև Խոզնավար 300 կմ նոր սահման, նոր ինժեներական աշխատանք ես եմ կատարել: Սև լիճը բանակի խնդիրն է, ես հարավային մասի հարցն էի լուծում»:
Անդրադառնալով դիտարկմանը, որ ադրբեջանցիները Տեղ գյուղի հատվածում առաջ են եկել, քանի մետր են հետ գնացել այդ հատվածում, Մելիքսեթ Պողոսյանը մանրամասնել է. «5 կմ հատվածի վրա եկել են, մխրճվել: Ռուսական խաղաղապահ զորքը որտեղ նստած է եղել, այդ հատվածում իրենք դուրս են եկել, իրենք մխրճվել են: Էնտեղ պոստեր կան, որ 5 մետր առաջ կամ հետ են գնացել»:
Ըստ Պողոսյանի, այդ հատվածը սահմանապահ զորքերը պետք է պահեին, բայց այդ հատվածում ամեն օր բախումներ են լինում. «Մեր կողմը և իրենց կողմը չեն կարողանում ինժեներական աշխատանքներ կատարել, կրակոցներ կան»:
