Եվրամիության՝ Հարավային Կովկասում և Վրաստանում ճգնաժամային հարցերով հատուկ ներկայացուցիչ Տոյվո Կլաարը ողջունել է Ադրբեջանում պահվող հինգ հայ ռազմագերիների ազատ արձակումը։
Թվիթերյան իր էջում գրելով այս մասին՝ նա իրադարձությունը համարել է կարևոր հումանիտար քայլ և հայտարարել՝ հիանալի է, որ ռազմագերիների փոխանցումը անցել է առանց միջնորդների:
Հիշեցնենք՝ երեկ՝ սեպտեմբերի 8-ին, ադրբեջանական կողմը ՀՀ-ին է վերադարձրել հինգ հայ ռազմագերի:
