Կառավարության նիստից հետո ՀՀ էկոնոմիկայի նախարարի պաշտոնակատար Վահան Քերոբյանը լրագրողներին ասել է, որ Թուրքիայի հետ սահման բացելու հարց առայժմ օրակարգում չկա։
Ըստ նախարարի նախատեսվում է երկարացնել թուրքական ապրանքների ներմուծման նկատմամբ արգելքը։
«Եվ ըստ ամենայնի նաև ավելացնելու ենք վաճառքի արգելքը։ Այսինքն՝ կապ չունի, թե երբ է ներմուծվել, մենք միևնույն է, սահմանափակելու ենք վաճառքը նույնպես, որովհետև որոշակի զարտուղի ճանապարհներով կարողանում են մտցնել։ Եվ պետք է մի քիչ խստացնել։ Երբ որ քաղաքական մակարդակով կկայացվի սիմետրիկ հարաբերությունները վերականգնելու տնտեսական որոշում, այդ ժամանակ մենք արդեն կփորձենք այնպես անել, որ մեր տնտեսությունը ինչքան հնարավոր է լավ պաշտպանված լինի թուրքական ապրանքների հեղեղումից», ասաց Քերոբյանը։