Հայաստանի Հանրապետության բոլոր քաղաքացիներին խստորեն խորհուրդ ենք տալիս պահպանել անվտանգության միջոցները: Այս մասին ասված է Ղազախստանում ՀՀ դեսպանատան տարածած հայտարարությունում։
«Ղազախստանում ստեղծված ծանր իրավիճակի պատճառով սահմանվել է արտակարգ դրություն և պարետային ժամ (ժամը 23:00-ից մինչև 07:00-ն): Հայաստանի Հանրապետության բոլոր քաղաքացիներին խստորեն խորհուրդ ենք տալիս պահպանել անվտանգության միջոցները, զերծ մնալ մարդաշատ վայրեր այցելելուց և մնալ հյուրանոցներում/կացության վայրերում»,- նշված է ՀՀ դեսպանատան տարածած հայտարարությունում։