Ֆուտբոլի աշխարհի առաջնության ընտրական փուլի J խմբի հերթական տուրում Հայաստանի ընտրանին մրցեց Ռումինիայի հետ:
Բուխարեստում կայացած հանդիպումն ավարտվեց տանտերերի հաղթանակով՝ 1։0 հաշվով։ Հանդիպման միակ գնդակը 26-րդ րոպեին խփեց Միտրիտան։
Հայաստանի ընտրանին ընտրական փուլի վերջին երկու հանդիպումները կանցկացնի նոյեմբերին։ Մեր հավաքականը Հյուսիսային Մակեդոնիայի եւ Գերմանիայի հավաքականների հետ կխաղա Երեւանում։
J խմբում այս տուրում Գերմանիայի հավաքականը հաղթեց Հյուսիսային Մակեդոնիային, իսկ Իսլանդիան՝ Լիխտենշտեյնին։
Այս տուրից հետո Հայաստանի ընտրանին մրցաշարային աղյուսակում 4-րդն է 12 միավորով: Առաջատարը 21 միավորով Գերմանիան է, իսկ երկրորդ եւ երրորդ տեղերը համապատասխանաբար զբաղեցնում են Ռումինիայի եւ Հյուսիսային Մակեդոնիայի հավաքականները։