2022 թվականի բյուջեի և մեր տնտեսական աճի կանխատեսումների մեջ հայ-թուրքական սահմանի բացումը՝ որպես կանխատեսում, ներառված չէ: Այս մասին Ազգային ժողովում 2022 թվականի բյուջեի նախագծի քննարկման ժամանակ հայտարարել է էկոնոմիկայի նախարար Վահան Քերոբյանը։
Ըստ նրա՝ հայ-թուրքական սահմանի բացման մասին խոսակցություններն այս պահին ժամանակավրեպ են։
«Մենք չենք ակնկալում, որ այն ձևով, որով պաշտպանված կլինեն ՀՀ քաղաքացիների ու տնտեսության շահերը, մենք կկարողանանք հաջորդ տարի հայ-թուրքական սահմանը բացել։ Այդ կանխատեսումը չկա բյուջեի նախագծում»,- ասաց Քերոբյանը։
