Ղրղզստանի նախագահ Սադիր Ջապարովը կոչ է արել Հայաստանին ու Ադրբեջանին հակամարտությունը լուծել խաղաղ ճանապարհով:
Այս մասին հայտնել են պետության ղեկավարի մամուլի ծառայությունից։
Նախօրեին Ջապարովը մասնակցել է ՀԱՊԿ Հավաքական անվտանգության խորհրդի արտահերթ առցանց նիստին, որը տեղի է ունեցել հայկական կողմի նախաձեռնությամբ՝ կապված հայ-ադրբեջանական սահմանին տիրող իրավիճակիհետ:
Ջապարովը նշել է, որ Ղրղզստանը չափազանց անհանգստացած է երկու բարեկամ պետությունների սահմանին իրավիճակի սրմամբ։
Նա ընդգծել է իրավիճակը բացառապես քաղաքական և դիվանագիտական ճանապարհով լուծելու անհրաժեշտությունը և հույս հայտնել, որ երկու կողմերը կշարունակեն զերծ մնալ ուժի կիրառումից և միմյանց միջև բոլոր տարաձայնությունները կլուծեն խաղաղ ճանապարհով:
