Բարսելոնան և Լիոնել Մեսսին չեն երկարաձգել պայմանագիրը։ Այս մասին հայտնել է «Բարսելոնա» ֆուտբոլային ակումբը։ Մեսսին «Բարսելոնայի» կազմում անցկացրել է 778 հանդիպում, դարձել 672 գոլի ու 305 գոլային փոխանցման հեղինակ:
«Չնայած «Բարսելոնա»-ի և Լիոնել Մեսսիի միջև համաձայնությանը և երկու կողմերի միջև այսօր նոր պայմանագիր կնքելու ակնհայտ մտադրությանը, դա չի կարող տեղի ունենալ ֆինանսական և կառուցվածքային խոչընդոտների պատճառով (իսպանական լիգայի կանոններ):
Այս իրավիճակի պատճառով Մեսսին չի մնա «Բարսելոնա»-ում։ Երկու կողմերն էլ խորապես ցավում են, որ ֆուտբոլիստի և ակումբի ցանկությունները, ի վերջո, չեն կատարվի»- ասված է կատալոնական ակումբի հայտարարությունում։