Սահմանին հրադադարի ռեժիմի պահպանումը հուշում է, որ ոչ Հայաստանը, ոչ էլ Ադրբեջանը լայնամասշտաբ էսկալացիայի մտադրություն չեն ունեցել, հայտարարել է Ադրբեջանի ղեկավար Իլհամ Ալիևը ՌԴ նախագահ Վլադիմիր Պուտինի հետ հանդիպմանը, գրում է ՌԻԱ Նովոստին։
Ալիևը նաև շնորհակալություն է հայտնել Պուտինին սահմանային սրացումներին օպերատիվ արձագանքելու համար։ «Ցանկանում եմ իմ երախտագիտությունը հայտնել ձեզ հայ-ադրբեջանական սահմանի գոտում սրմանը, էսկալացիային օպերատիվ արձագանքելու համար, բախումները տևել են ութ ժամից էլ քիչ, և այն, որ դրանք դադարեցվել են․․․ ընդհանուր առմամբ մոտ երկու օր է, ինչ պահպանվում է հրադադարի ռեժիմը, ինչը վկայում է այն մասին, որ ոչ Հայաստանը, ոչ էլ Ադրբեջանը լայնամասշտաբ էսկալացիայի մտադրություններ չեն ունեցել»,- ասել է Ալիևը։
