ՀՀ վարչապետ Նիկոլ Փաշինյանն ԱԺ-ում մանրամասներ է ներկայացրել հայ-ադրբեջանական սահմանին գիշերը տեղի ունեցած բախումների վերաբերյալ։
Նրա խոսքով. «Ադրբեջանի ԶՈՒ-ն հարձակողական գործողություններ է ձեռնարկել ՀՀ ուղղությամբ՝ չորս ուղղություններով, հետագայում ևս 2-3 ուղղություն է ավելացել։ Ադրբեջանը փորձում է ներկայացնել, թե այդ գործողությունները եղել են պատասխան հայկական կողմից սադրանքներին։ Բայց պետք է արձանագրենք, որ այդ տեղեկատվությունը բացարձակ կեղծ է, սուտ է, չի համապատասխանում իրականությանը»։
Ըստ Փաշինյանի՝ ՊՆ կողմից հաստատված 49 զոհ ունենք: Փաշինյանը նշել է, որ այդ թիվը ցավոք վերջնական չէ։ Նա նշել է, որ հայկական բանակի զինվորներն ու սպաները կռվել են անձնուրացաբար, հերոսաբար.
«Հարգանքի տուրք մատուցելով մեր զոհված զինվորներին ու սպաներին, պետք է ընդգծեմ, որ մարդկային այդ տեսակի վրա է հիմնված մեր պետականությունը, մեր անկախությունը և ինքնիշխանությունը»,-նշել է Փաշինյանը