Ռուսաստանի հետ նախապատերազմական հարաբերություններին վերադառնալն անհնար է, G7-ի վեհաժողովին հայտարարել է Գերմանիայի կանցլեր Օլաֆ Շոլցը։ Նա հավելել է, որ Մոսկվայի մղած պատերազմը «ամենաուժեղ հարվածն է միջազգային հարաբերություններին»։
Ըստ Շոլցի, պատերազմն առաջացրել է երկարաժամկետ փոփոխություններ, որոնք որոշելու են միջազգային հարաբերությունները երկար ժամանակով:
«Իհարկե, դեռ հնարավոր չէ ճշգրիտ կանխատեսել, թե ինչպես կփոխվի աշխարհը առաջիկա ամիսներին և տարիներին, բայց պարզ է, որ մենք լավագույնս կվերապրենք այս փոփոխությունները, եթե մենք աջակցենք միմյանց և միասին աշխատենք վստահության մթնոլորտում», ասել է նա։