Վրաստանի նախկին նախագահ Միխեիլ Սաակաշվիլին այսօր տեսանյութ է հրապարակել, որում ասում է, որ ինքն այս պահին Բաթումիում է։
Ավելի վաղ Վրաստանի նախկին նախագահ Միխեիլ Սաակաշվիլին հայտարարել էր, որ 8-ամյա արտագաղթից հետո որոշել է հայրենիք վերադառնալ։
Ուկրաինայում բնակվող և վերջին տարիներին Ուկրաինայի ներքաղաքական կյանքում ակտիվ ներգրավված Սաակաշվիլին ասել էր, որ ինքը Վրաստան կժամանի հոկտեմբերի սկզբին, երբ Վրաստանում անցկացվելու են տեղական ինքնակառավարման մարմինների ընտրությունները։
Վրաստանի իշխանությունները հայտարարել էին, որ եթե Սաակաշվիլին վերադառնա, ապա նրան կձերբակալեն։ Վրաստանի նախկին նախագահը, սակայն պնդել էր, որ չի վախենում ձերբակալությունից և իր ճակատագիրը հանձնում է վրաց ժողովրդին։