ՀՀ քաղաքաշինության կոմիտեի նախկին նախագահ Վահագն Վերմիշյանը դատապարտվել է 8 տարի ազատազրկման. այս մասին տեղեկացրել է նրա փաստաբան Ալեքսանդր Կոչուբաևը։
«Ըստ էության, քաղաքական հետապնդումը շարունակվում է: Դատարանը հպատակվեց քաղաքական իշխանության կամքին: Դատավճիռը բողոքարկվելու է վերաքննիչ դատարան, իսկ ապօրինի կալանքի որոշման դեմ գանգատ է ներկայացվել եվրոպական դատարան»,- գրել է նա ֆեյսբուքի իր էջում:
Հիշեցնենք՝ Վահագն Վերմիշյանին մեղադրանք է առաջադրվել խոշոր չափերի կաշառք ստանալու և պաշտոնեական դիրքն օգտագործելով խարդախությամբ ուրիշի` խոշոր չափերի հասնող գույքը հափշտակելու համար։