Արդեն մի քանի ժամ սոցիալական ցանցերում հայտնի ուժերի վկաները խրախճանք են սկսել՝ Պրահայում ընթացող հանդիպումների լուսանկարների հետ կապված։
Անկախ նրանից՝ դեմ եք, ատում եք, զզվում եք, կամ չգիտեմ ինչ եք էլ զգում սեփական երկիրը ներկայացնող մարդու նկատմամբ, բայց առնվազն անբարոյականություն է, երբ երկրի համար այս ծանրագույն ժամանակաշրջանում, որոշ քաղաքական ծաղրածուներն ու նրանց սպասարկող մեդիակառույցները՝ ձեռքերը շփելով սպասում են, թե այս բարդ բանակցությունների ժամանակ, երբ պիտի սեփական երկրի ղեկավարը սայթաքի, որ իրենք սկսեն թիկունքից հարվածներ հասցնել։
Քաղաքական ծաղրածուներն ու նրանց պատվերները կատարողները՝ Պրահայում Նիկոլ Փաշինյանի բանակցությունների ու հանդիպումների նկարներն են քննարկում ու ծաղրում։ Եվ սա այն ժամանակ, երբ թշնամին փորձում է բոլոր հարթություններում առավելության հասնել Հայաստանի նկատմամբ։
Այն տպավորությունն է, որ թշնամին բավական ուժեղ դաշնակից ունի մեր երկրում։ Դաշնակից, որը թշնամու հետ հավասարաչափ հարձակում է սկսում՝ մեկը սահմանին, մյուս սոցկայքերում։
