Ադրբեջանի արտաքին գործերի նախարար Ջեյհուն Բայրամովը հայտարարել է, որ բացի լավ, բարիդրացիական հարաբերություններ հաստատելուց տարածաշրջանում խաղաղությունն ու կայունությունն ապահովելու այլընտրանք չկա։ Այս մասին տեղեկացնում է ՏԱՍՍ-ը։
«Հիմա բացառիկ շանս կա կառուցելու այդպիսի հարաբերություններ ՝ հետևողականորեն իրագործելով Ռուսաստանի, Ադրբեջանի և Հայաստանի ղեկավարների կողմից ստորագրված եռակողմ հայտարարության կետերը», – նշել է Բայրամովը:
Ադրբեջանը Հայաստանին առաջարկում է սկսել երկկողմ բանակցություններ երկու երկրների սահմանի սահմանազատման և սահմանագծման շուրջ: Այդ մասին չորեքշաբթի օրը հայտարարել է Ադրբեջանի ԱԳ նախարարը ՝ ելույթ ունենալով Սևծովյան տնտեսական գործակցության կազմակերպության անդամ երկրների արտգործնախարարների խորհրդի 43-րդ նիստում:
«Ադրբեջանն ազատագրել է Հայաստանի հետ նախկին 30-ամյա գրավված պետական սահմանը, եւ այժմ մենք կառուցում ենք սահմանի վերահսկման ենթակառուցվածքներ: Առաջարկում ենք Հայաստանին երկկողմ քննարկումներ սկսել՝ սահմանի սահմանազատման եւ սահմանագծման վերաբերյալ: Ադրբեջանը սպասում է Հայաստանի դրական արձագանքին», – ասել է Բայրամովը: