Թուրքմենստանում ընթացող Թուրքիա-Ադրբեջան-Թուրքմենստան եռակողմ համաժողովին Ալիևը անդրադարձել է, այսպես կոչված, «Զանգեզուրի միջանցքին»։ «Ադրբեջանի տարածքում Զանգեզուրի տրանսպորտային միջանցքի ստեղծման աշխատանքները կավարտվեն 2024 թվին»,- հայտարարել է Ալիևը։
«Ներկայումս ակտիվ աշխատանքներ են տարվում Զանգեզուրի միջանցքի ստեղծման ուղղությամբ։ Միջանցքի ադրբեջանական հատվածում երկաթգծով արված աշխատանքների ծավալը կազմում է 40, իսկ ավտոմոբիլային ճանապարհի շինարարության ծավալը՝ 70%։ Բոլոր աշխատանքները կավարտվեն 2024-ին, և արդյունքում կստեղծվի նոր տրանսպորտային միջանցք», – ասել է Ալիևը։