Ադրբեջանի դատարանը կալանավորման որոշում է կայացրել երկու հայ զինծառայողների նկատմամբ, հայտնում է Ադրբեջանի գլխավոր դատախազությունը։
Ավելի վաղ Ադրբեջանի դատախազությունը հայտարարել էր, որ հայ 2 զինծառայողները` Հարություն Հովագիմյանը և Կարեն Ղազարյանը, ձերբակալվել են և ներգրավվել իբրև մեղադրյալ «ահաբեկչության, ապօրինի ներթափանցման և զենքի ապօրինի տեղափոխման մեղադրանքներով»։
ՀՀ քննչական կոմիտեն հայտնել էր, որ նախնական տվյալներով՝ հակառակորդի զինված խումբը հատել է ՀՀ սահմանը և առևանգել զինծառայողներին: Ըստ ՀՀ ՊՆ-ի՝ Ադրբեջանի կողմից հայ զինծառայողների ապօրինի առևանգման հանգամանքները բացահայտելու ուղղությամբ տարվում է լայնածավալ աշխատանք: