ԿԲ նախագահ Մարտին Գալստյանն այսօր ասուլիսի ժամանակ հայտարարել է, որ Հայաստանում տնտեսական աճին շարունակում է էականորեն նպաստել ծառայությունների ոլորտում ձևավորված արտաքին բարձր պահաջարկը: ՀՀ ԿԲ կանխատեսմամբ՝ 2022թ.-ին ՀՀ-ում տնտեսական աճը կկազմի 12.9%, իսկ գնաճը՝ 9-9.5%:
Գալստյանի խոսքով, համաշխարհային տնտեսությունից ՀՀ տնտեսության վրա ակնկալվում է գնաճային ազդեցությունների թուլացում: «Իրականացվող զսպող դրամավարկային քաղաքականության, դրամի արժևորման և արտաքին հատվածից փոխանցվող ազդեցությունների արդյունքում ներմուծվող պարենային ապրանքների գների աճը որոշակիորեն դանդաղում է, որը նպաստում է գնաճային միջավայրի մեղմմանը»,- ասել է նա՝ հավելելով, որ առաջիկայում ակնկալվում է պարենային ապրանքների գների նվազում՝ պայմանավորված ռուս-ուկրաինական հակամարտության հաղթահարմամբ: