Կառավարության այսօրվա նիստը մեկնարկեց «Սուրմալու» առևտրի կենտրոնում պայթյունի հետևանքով զոհվածների հիշատակը մեկ րոպե լռությամբ հարգելով։
ՀՀ վարչապետ Նիկոլ Փաշինյանը ՔԿ նախագահ Արգիշտի Քյարամյանից հետաքրքրվեց՝ արդյո”ք դիտարկվել է ահաբեկության կամ դիտավորության վարկածները։
Արգիշտի Քյարամյանի խոսքով՝ քրեական գործով տարբեր վարկածներ են քննարկվում, այդ թվում՝ վերոնշյալ վարկածները, սակայն, այս պահի դրությամբ, չկա որևէ փաստական տվյալ, որը կվկայի ահաբեկության կամ այլ դիտավորության հանցակազմի վերաբերյալ։
«Քրեական գործում առկա ապացույցներն ավելի շատ վկայում են անզգուշությամբ տեղի ունեցած հանցագործության վերաբերյալ», – ասաց Քյարամյանը։
Նիկոլ Փաշինյանը նկատեց՝ տեսագրություններից ակնհայտ է դառնում, որ ահաբեկչական գործողությունների տրամադրությունը բացառվում է։
«Տեսնում եմ, որ ծուխ կա, փախնող մարդիկ կան, որից հետո տեղի է ունեցել պայթյուն։ Վիզուալ տեղեկատվությունը, որ մենք ունենք, գրեթե բացառում է այդ հանգամանքը», – ասաց Փաշինյանը։