Ռուսաստանի պաշտպանության նախարարությունը հոկտեմբերի 15-ի երեկոյան հայտնել է Բելգորոդի շրջանի զորավարժարանում ահաբեկչության մասին։ Այնտեղ պատրաստություն են անցել կամավորներ, ովքեր պետք է մեկնեին Ուկրաինա։
«Հոկտեմբերի 15-ին ԱՊՀ երկրներից մեկի երկու քաղաքացի ահաբեկչություն են իրականացրել Բելգորոդի շրջանի Արևմտյան ռազմական օկրուգի զորավարժարանում»,-հայտնել են գերատեսչությունից։ Զինվորականների խոսքով՝ ահաբեկիչները թեթեւ զենքերից կրակ են բացել ստորաբաժանման անձնակազմի վրա՝ «հատուկ գործողության մասնակցելու ցանկություն հայտնած անձանց հետ կրակային վարժանքների ժամանակ»։
«Հրաձգության հետեւանքով մահացու վիրավորում է ստացել 11 մարդ, եւս 15 հոգի տարբեր ծանրության վնասվածքներով տեղափոխվել են բուժհաստատություն, որտեղ ստանում են անհրաժեշտ բոլոր օգնությունները։
Ըստ հաղորդագրության, կրակողներից երկուսը սպանվել են պատասխան կրակի արդյունքում։
Որ երկրի քաղաքացիներն են կրակել՝ ՌԴ ՊՆ-ն չի հայտնում