ԱՄՆ պաշտպանության նախարար Լլոյդ Օսթինը շաբաթ օրը հանդիպել է իր կանադացի գործընկեր Անիտա Անանդի հետ, նրանք վստահեցրել են, որ երկարաժամկետ կտրամադրեն Ուկրաինային ռազմական օգնություն, ինչպես նաև քննարկել են Ռուսաստանի հակազդեցությունը։ Այս մասին ասված է Պենտագոնի մամուլի քարտուղար, ԱՄՆ ռազմաօդային ուժերի բրիգադի գեներալ Պատրիկ Ռայդերի տարածած հայտարարության մեջ։
Հանդիպումը տեղի է ունեցել Կանադայի Հալիֆաքս քաղաքում անցկացվող անվտանգության ամենամյա ֆորումի շրջանակներում։ Ինչպես նշել է Ռայդերը, Օսթինը և Անանդը «քննարկել են ԱՄՆ Ազգային պաշտպանության ռազմավարության հրապարակումը, համագործակցությունը Ուկրաինայում Ռուսաստանի հատուկ ռազմական գործողության դեմ պայքարում և «Հյուսիսային Ամերիկայի օդատիեզերական պաշտպանության միացյալ հրամանատարության (NORAD) արդիականացումը»։ Նրանք նաև «վերահաստատել են իրենց անսասան աջակցությունն Ուկրաինային՝ խոստանալով շարունակել աջակցությունը երկարաժամկետ հեռանկարում Ուկրաինայի անվտանգության և ինքնիշխանության ամրապնդման համար»: