ՀՀ-ում հեռուստատեսության հիմնադրման օրը, այն է՝ նոյեմբերի 29-ը, սահմանվել է որպես հեռուստատեսության աշխատողի մասնագիտական տոն:
Հեռուստատեսության աշխատակիցների կատարած գործի իրական գնահատականը տալիս է հանրությունը, հեռուստադիտողը, որի հետ կապույտ էկրանի միջոցով ամենօրյա կապի մեջ է հեռուստատեսությունը:
Հեռուստատեսության առաքելությունը հանրային մտածողության, տարբեր խնդիրների նկատմամբ հանրային, ինչպես նաև անհատական մոտեցումների ու ընկալումների ձևավորումն է, այն դաստիարակություն, մշակույթ ու կրթություն, ճաշակ ու ոճ թելադրող է։
Այստեղ աշխատում են նվիրյալներ, ովքեր արժանապատվորեն շարունակում են իրենց նախորդների գործն ու ավանդույթները, ինչպես նաև անցնում են մասնագիտական կատարելագործման ամենօրյա ճանապարհով։
Մեր պետության և հասարակության համար կարևոր նշանակություն ունի հեռուստատեսության ոլորտի արդիականացումն ու զարգացումը, երկրի տեղեկատվական անվտանգության ու անկախության մակարդակի բարձրացումը:
Ուստի և շնորհավորում եմ Ձեզ մասնագիտական տոնի առթիվ, մաղթում անսպառ եռանդ ու նոր հաջողություններ ձեր դժվարին և պատասխանատու գործում:
Տիգրան Հակոբյան, Հեռուստատեսության եւ ռադիոյի հանձնաժողովի նախագահ
