Ռուս խաղաղապահներն Արցախի Մարտունու շրջանի Հերհեր բնակավայրում սկսել են պայթյունավտանգ օբյեկտներից տարածքի մաքրում և ականազերծում, հայտնում է ՌԴ ՊՆ-ն:
Մարտունու շրջանում սահմանազատման գծի մոտ ռուս խաղաղապահներն ամեն օր աշխատանքներ են իրականացնում չպայթած զինամթերքի, արկի և ականների որոնման ուղղությամբ: Հումանիտար ականազերծման ստորաբաժանման զինծառայողները կատարում են գյուղատնտեսական նշանակության հողերի և նասունների արածեծման համար նախատեսված բնակավայրերի և հարակից տարածքների մաքրման առաջադրանքները:
«Օրվա ընթացքում շուրջ երկու հեկտար տարածք է ընդգրկվել: Աշխատանքներն իրականացվել են Մարտունու շրջանի բնակավայրերի շրջակայքում: Նախատեսվում է հատել տարածքի մոտ 15 հեկտարը», – ասել է ռուսական խաղաղապահ զորախմբի ներկայացուցիչ Ալեքսեյ Աֆանասևը:
Անցած 2 շաբաթվա ընթացքում ռուս խաղաղապահները 32 հա տարածք են պայթյունավտանգ առարկաներից մաքրել Շեխոր բնակավայրում, ներառյալ մասնավոր տնային տնտեսությունները և գյուղատնտեսական կարիքների համար նախատեսված վայրերը:
12 շենքեր ստուգելիս խաղաղապահները հայտնաբերել և ոչնչացրել են 14 պայթուցիկ առարկա:
Ընդհանուր առմամբ, ռուս սակրավորները ստուգել են 1920 շենք (որից 31-ը՝ սոցիալապես նշանակության օբյեկտներ), մաքրել են ավելի քան 668,3 կիլոմետր ճանապարհ և ավելի քան 2231,5 հա տարածք, հայտնաբերել 25781 և ոչնչացրել 25767 պայթյունավտանգ:
