ԱՄՆ նախագահ Ջո Բայդենը հայտարարել է, որ Միացյալ Նահանգները և նրա դաշնակիցները նավթի տեղափոխման ապահովագրություն չեն տրամադրի ռուսական նավերին։ Այդ մասին նա հայտարարել է Մադրիդում ՆԱՏՕ-ի վեհաժողովի մամուլի ասուլիսում։
Նրա խոսքով, դա արվելու է, որպեսզի կանխվի դրա տեղափոխումն այլ երկրներ։ «Մենք և Արևմուտքը չենք ապահովագրի ռուսական նավերը նավթի փոխադրման համար, ուստի նրանք հսկայական խնդիրներ կունենան այն գնորդներին հասցնելու հարցում», – բացատրել է Բայդենը։
Նա նաև Ռուսաստանին խոստացել է դժվարություններ նավթի արդյունահանումը պահպանելու հարցում՝ պատժամիջոցների պայմաններում տեխնոլոգիաների սահմանափակ հասանելիության պատճառով:
Բայդենը նշել է, որ գների սահմանափակման մեխանիզմը Ռուսաստանի Դաշնությանը թույլ կտա նավթի արտահանումից շահույթ ստանալ, բայց ներկայիս ծավալներից ցածր։
