Հայաստանի ֆուտբոլի հավաքականի գլխավոր մարզիչ Խոակին Կապառոսն այսօր անդրադարձել է Հայաստանի հավաքականի վաղվա հանդիպմանը։ Նա նշել է, որ ռումինիացիները խաղադաշտում հստակ պատկերացնում են իրենց առջեւ դրված խնդիրները և Հայաստանի ընտրանուն դժվար հանդիպում է սպասվում։
«Իսլանդիան և Ռումինիան շատ տարբեր հավաքականներ են: Իսլանդիան ֆիզիկապես ուժեղ է, իսկ Ռումինիան նման է մեզ: Նրանք խաղում են ուղղահայաց ու բարձր արագությունների վրա և ունեն երիտասարդ ֆուտբոլիստներ: Ռումինիայի ընտրանին շատ լավն է»,-«Արմենպրես»-ի հաղորդմամբ` հեռավար մամլո ասուլիսի ընթացքում ասաց մասնագետը:
Կապառոսի խոսքով հավաքականը յուրաքանչյուր խաղի պատրաստվում է հաշվի առնելով մրցակիցներին։
Հիշեցնենք, որ մարտի 31-ին՝ Վազգեն Սարգսյանի անվան «Հանրապետական» մարզադաշտում, կկայանա ԱԱ 2022-ի որակավորման J խմբի երրորդ մրցափուլի Հայաստան-Ռումինիա հանդիպումը։ Այն կմեկնարկի 20:00-ին: