Հայկական կողմի համար սկզբունքային է, որ երկաթուղին կարող է շահագործվել միայն ՀՀ օրենսդրության ներքո. լրագրողների հետ ճեպազրույցւոմ հայտարարել է ՀՀ ԱԳ փոխնախարար Պարույր Հովհաննիսյանը՝ հավելելով, որ այսպես կոչված, «միջանցքային տրամաբանության» մասին Փաշինյան-Միշել-Ալիև հանդիպմանը չի հնչել ընդհանրապես։
Նրա խոսքով՝ սա նշանակում է, որ մեր գործընկերները չեն օգտագործում այդ եզրույթը. «Դա արդեն ակնհայտ էր, թե ինչ դիրքորոշում ունեն միջնորդները»։
Անդրադառնալով ճանապարհների և հաղորդակցության ուղիների ապաշրջափակման իրագործման ժամկետներին՝ Հովհաննիսյանն ասել է, թե այստեղ կարմիր գծեր կան։ Խոսքը, ըստ նրա, այն մասին է, որ երկաթուղին պետք է գործի միայն ՀՀ օրենսդրության իրավասության տակ. «Այդ հարցի առնչությամբ ստույգ երաշխիքներ ստանալուց հետո նոր կարող ենք խոսել շինարարական և այլ աշխատանքների մասին»։