Առողջապահության նախարար Անահիտ Ավանեսյանն այսօր կայացած մամուլի ասուլիսի ժամանակ խոսել է Առողջության համապարփակ ապահովագրության մասին։ Նախարարը նշել է, որ համակարգի ներդրումը պետք է սահուն լինի և ամենակարևորը` գործի հանրային շահին համապատասխան:
Նախարարւ նշել է, որ առողջության համապարփակ ապահովագրության համակարգը ներդրվելու է փուլային` աստիճանական տարբերակով:
2023 թվականին կիրականացվեն ակտուարական հաշվարկներ: Կձավորվի փաթեթի հստակ արժեք:
Փաթեթը լինելու է ընդգրկուն (սրտանոթային հիվանդություններ, քաղցկեղ, ընդհանուր նորագոյացություններ, դիաբետ, դեղապահովում և այլն):
Քիմիաթերապևտիկ դեղերը և քրոնիկ հիվանդների դեղերը, որոնք ևս ֆինանսապես բավական ծանր են մեր քաղաքացիների համար, ընդգրկվելու և հասանելի են լինելու առողջապահական այս փաթեթի շրջանակներում:
2024 թվականից պետական պատվերների շահառուների համար կսկսվի գործել ապահովագրական համակարգ։ Ըստ նախարարի կունենանք միասնական, մեկ ապահովագրական փաթեթ պետության կողմից ապահովագրված շահառուների համար:
2025 թվականից պետության կողմից կապահովագրվեն կենսաթոշակառուները:
Կգործի նաև կամավոր ապահովագրական համակարգ, որը բաց կլինի բոլոր քաղաքացիների համար:
2026 թվականին կամփոփվի բոլոր կամավոր ապահովագրվողների խումբը և 2027 թվականից արդեն կգործի համապարփակ պարտադիր ապահովագրությունը բոլորի համար:
Անահիտ Ավանեսյանի խոսքով չի լինելու եկամուտից կախված վճարային համակարգ, այսինքն` փաթեթի արժեքը լինելու է բոլորի համար նույնական, բայց պետության կողմից կատարվող սուբսիդավորման տոկոսները տարբեր են լինելու: