Ինդոնեզիայում տեղի է ունեցել Չինաստանի ղեկավար Սի Ծինպինի և ԱՄՆ նախագահ Ջո Բայդենի հանդիպումը։ Այս մասին հայտնում է Ռոյթերսը։
Հանդիպման մեկնարկին երկու առաջնորդները ժպտալով միմյանց ձեռք են սեղմել։ Բայդենն ասել է, որ ձգտում է Չինաստանն ու ԱՄՆ-ն կարող են հաղթահարել տարաձայնությունները և թույլ չտալ, որ մրցակցությունը վերաճի հակամարտության։
Սին նշել է, որ երկու երկրների հարաբերությունները չեն համապատասխանում գլոբալ սպասումներին։ «Այդ պատճառով պետք է չին-ամերիկյան հարաբերությունների ճիշտ կուրս գծենք»,- ասել է նա։
Չինաստանի և ԱՄՆ առաջնորդների երկար սպասված հանդիպումը տեղի է ունենում այն ժամանակ, երբ երկու երկրների միջև հարաբերությունները գտնվում են վերջին տասնամյակների ամենացածր մակարդակի վրա, դրանք ուղեկցվում են տարաձայնություններով՝ Թայվանից մինչև առևտրային մի շարք հարցերի շուրջ:
