Նոյեմբերի 11-ից 13-ը Ղրղզստանի մայրաքաղաք Բիշքեկում անցկացվեց Սամբոյի աշխարհի 2022թ. Առաջնությունը, ուր խաղարկվեց մարզական սամբոյի կանանց և տղամարդկանց, մարտական սամբոյի տղամարդկանց 7-ական քաշերում մեդալների 21 հավաքածու: Այս մասին հայտնում է Հայաստանի սամբոյի ֆեդերացիան։
Առաջնությանը մասնակցեց ավելի քան 50 երկիր՝ աշխարհի չորս մայրցամաքից: Ռուսաստանը, Բելոռուսը, Ֆրանսիան՝ համաձայն Սամբոյի միջազգային ֆեդերացիայի գործկոմի որոշման, հանդես եկան FIAS դրոշի ներքո:
Նույն կարգավիճակով առաջին անգամ սամբոյի պատմության ընթացքում ներկայացավ նաև փախստականների հավաքականը՝ ճիշտ է, մեկ մարզուհով: Ի դեպ՝ վենեսուելացի Մարիա Ամյուլինա Գեդեսը, ով փախստականի կարգավիճակ բնակվում է Ֆրանսիայում, դարձավ Աշխարհի չեմպիոն:
Առհասարակ, ոսկե մեդալ կարողացավ նվաճել ընդամենը 6 հավաքական:
Ցավոք, այս անգամ, դրանց թվում Հայաստանը չկար: Մերոնք Հայրենիք են բերում մեկ բրոնզ /Մաքսիմ Մանուկյան՝ 64 կգ/ և մեկ արծաթ /Դավիթ Գրիգորյան՝ 88 կգ/:
