Երևանի քաղաքապետարանի աջակցությամբ Սոս Սարգսյանի անվան պետական համազգային թատրոնում կայացել է «Խատուտիկի գինի» ներկայացման առաջնախաղը:
Այն բեմադրվել է Ռեյ Բրեդբերիի համանուն ստեղծագործության հիման վրա: Բեմականացման հեղինակը թատրոնի գեղարվեստական ղեկավար Նարինե Գրիգորյանն է:
Երեկոյին ներկա են եղել Երևանի քաղաքապետ Հրաչյա Սարգսյանը, քաղաքապետի առաջին տեղակալ Լևոն Հովհաննիսյանը: Քաղաքապետը շնորհավորել և շնորհակալություն է հայտնել թատրոնի անձնակազմին՝ մայրաքաղաքի մշակութային կյանքը հետաքրքրացնելու համար:
Երևանի քաղաքապետարանը, թատերական կազմակերպություններին և թատերարվեստի զարգացմանն ուղղված նախաձեռնություններին աջակցելու նպատակով 2022 թվականին Ս. Սարգսյանի անվան համազգային պետական և Գորիսի Վ. Վաղարշյանի անվան պետական դրամատիկակական թատրոնների նոր բեմադրությունների համար հատկացրել է 6-ական միլիոն ՀՀ դրամ:
Սոս Սարգսյանի անվան Համազգային թատրոն
