ՀՀ-ն այսօր ունի բոլոր ֆինանսական հնարավորությունները՝ ձեռք բերելու իրեն անհրաժեշտ պաշտպանական զենք-զինամթերք։ Այս մասին Ազգային ժողովում հայտարարել է վարչապետ Նիկոլ Փաշինյանը։
Ըստ նրա՝ այս հարցում կա քաղաքական բաղադրիչ։
«Բնականաբար, ոչ բոլոր երկրներն են, որ պատրաստ են զենք վաճառել ՀՀ-ին։ Բայց կան երկրներ, ովքեր պատրաստ են զենք վաճառել Հայաստանի Հանրապետությանը, բայց կան նաև երկրներ, ովքեր պատրաստ չեն այն փաստին, որ Հայաստանը զենք գնի այն երկրից, որը պատրաստ է իրեն զենք վաճառել։ Սա կարող է թվալ հարց՝ պատրաստ չեն, պատրաստ չեն, իրենց գործն է, ուզում են պատրաստ լինել, ուզում են պատրաստ չլինել։ Բայց այս պատրաստ լինել և չլինելն իր հետևից բերում է հետևանքներ, այդ թվում՝ անվտանգային։ Այսինքն՝ սովորաբար զենք գնում են անվտանգային սպառնալիքը կառավարելու համար, բայց լինում են իրավիճակներ, երբ զենք գնելը կապված է անվտանգային նոր սպառնալիքներ ստեղծելու հետ»,- ասաց Փաշինյանը։