Հայաստանի ֆուտբոլի ֆեդերացիան մինչև 2022 թվականի ավարտը երկարաձգել է պայմանագիրը Հայաստանի հավաքականի գլխավոր մարզիչ Խոակին Կապարոսի հետ: Այս մասին հայտնել է ՀՖՖ մամուլի ծառայությունը:
Հայաստանի ազգային թիմը Կապարոսը գլխավորում է 2020 թվականի մարտից:
Կապարոսի գլխավորությամբ Հայաստանի հավաքականն անցկացրել է 11 խաղ, տարել 6 հաղթանակ, կրել 2 պարտություն ու անցկացրել 3 ոչ-ոքի:
Կապարոսի հետ Հայաստանի ազգային թիմը հաղթել է Ազգերի լիգայի խմբում, իսկ Աշխարհի 2022 թվականի առաջնության նախընտրական փուլի անցկացրած 3 խաղում տարել է 3 հաղթանակ ու գլխավորում է մրցաշարային աղյուսակը 9 միավորով։